Plantun de Prouvènço

Pèr coumpara dos planto d'encò nostre

Ranunculus sceleratus & Opuntia ficus-indica

Ranouncle(-di-fueio-d'àpi)

Ranunculus sceleratus

Ranunculaceae

Àutri noum : Renouncle, Jaunoun.

Nom en français : Renoncule scélérate.

Descripcioun :
Planto annalo que pau faire mai de 50 cm d'aut, de canau e di relarg umide. Si cambo soun bèn drecho e si fueio lusènto ; douno de pichòti flour jauno emé de gros carpello que fan uno gibo sus le dessubre. Li fueio soun de dos meno diferènto ; aquésti d'en bas soun un pau roundo e dounon d'èr à-n-aquéli de l'àpi, au contro de li d'en aut que soun coumpausado de tres partido lineàri.

Usanço :
Aquéu ranouncle, coume proun, es uno planto empouisounanto. Brulo la pèu e avisas-vous de lou pas manja qu'èi forço marrit pèr lou vèntre e li ren. Parèis que de lou manja fai veni un sourrire embefia.

Port : Erbo
Taio : 10 à 100 cm
Fueio : basalo
Tipe bioulougico : Teroufite
Cicle bioulougico : Planto de l'an

Gènre : Ranunculus
Famiho : Ranunculaceae

Ordre : Ranunculales

Coulour de la flour : Jauno
Petalo : 5
Ø (o loungour) flour : 0,6 à 0,8 cm
Flourido : Printèms - Estiéu

Sòu : Ca
Autour basso e auto : 0 à 600 m
Aparado : Noun
Remarco :
Abriéu à setèmbre

Liò : Palun - Ribiero
Estànci : Mesoumediterran à Coulinen
Couroulougi : Bourealo
Ref. sc. : Ranunculus sceleratus L., 1753

Raqueto

Opuntia ficus-indica

Cactaceae

Autre noum : Pato-dóu-diable.

Noms en français : Figuier de Barbarie, Nopal.

Descripcioun :
Aquesto raqueto nous vèn dóu Meissique e s'èi naturalisado en ribo de mar despièi de tèms. Èi la souleto meno, au nostre, que douno un pege emé l'age, ço que fai que pòu veni grand. Se recounèis peréu à si raqueto (que soun pas de fueio, mai de tijo pleno) aloungado e quàsi sènso pougnoun.

Usanço :
Li flour e li fru di raqueto soun manjadis. La raqueto èro deja proun utilisado pèr lis aztèque pèr sougna li plago e contro la pisso-douço. Èi peréu tounico e diuretico. Aro se retrobo dins proun de medicacioun pèr lucha contro la buerbo, lis artèri tapado e coume l'avèn di lou diabète.

Port : Aubret
Taio : 1,5 à 3 m
Fueio : ges
Tipe bioulougico : Faneroufite
Cicle bioulougico : Planto renadivo

Gènre : Opuntia
Famiho : Cactaceae

Coulour de la flour : Jauno
Petalo : >6
Ø (o loungour) flour : 5 à 6 cm
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun
Remarco : Planto de coustiero
Jun à avoust

Liò : Pendis proche la mar - Roucas
Estànci : Termoumediterran à Mesoumediterran
Couroulougi : Óurigino Meissique
Ref. sc. : Opuntia ficus-indica (L.) Mill., 1768

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Ranunculus sceleratus & Opuntia ficus-indica

ges

RRR

ges

Coumpara Ranouncle(-di-fueio-d'àpi) emé uno autro planto

Coumpara Raqueto emé uno autro planto